جیوپولیٹکس ءُ کیئوس دیدانک Chaos Theory :میانی رودرتک ءُ گوریچانی اپریکہ ءَ بالو سان Butterfly Effectءِ دروشم
اسلام بلوچ
جیوپولیٹکس ءِ میان ءَ کیئوس دیدانک ءِ ردا، کسانیں کارے یا جیڑہ مزنیں چکاس آں ھوار گیجیت۔ یک ھندی زھرشانی یے آشوبے ودی کنت۔ کسانیں ھرابیں ڈپلومیٹک کدمے اتحاد (Alliance) ءِ تہ ءَ بلائیں بدلئ یے کاریت۔ یک نگیگیں زرّی بزاں فائننشل پیسلہ یے سرجمیں معیشت ءَ توان دنت۔ دنیائے اے دگہ جاھاں ابید میڈل ایسٹ ءُ گوریچانی اپریکہ درستاں چہ گیشتر کیئوس ءِ سانمند اِنت۔اے ھما جاہ اَنت کہ ادا گوستانک ءَ مزنیں تاگت(Great Powers) تھنا ھندی راجکاری ءُ ھندی تاگت ءِ بُرّ و گاٹ (Power Structure) ءِ تہ ءَ مٹّی نیارتگ بلکیں ھمے کسانیں جیڑھاں بلاہ بلائیں جنجال ودی کتگ۔
میاں استمانی سیادی ءَ کیئوس دیدانک چہ میتیمیٹکس ءَ بدل زرتگیں لیکہ یے۔ اے دیدانک ءِ ردا ھما جاور کہ چہ بندات ءَ سنسیٹیو اَنت یا بزاں کسانیں گڑبڑے مزن مزنیں جیڑہ پدی کنت گڑا چریشاں مزنیں آشوب ودی بوت کُت کنت۔ جاورانی ھمے تب ءَ را بالو سان ( Butterfly Effect) گش اَنت۔ میاں استمانی سْیادی ءِ توکہ تاگتی جدوجھد، ایکونومک تاگت، چاگری جنز ھمے سانانی جاھگیری ءَ کن اَنت۔ برے برے رھشون ھمے کاراں ریسءُ پریس کرت نہ کن اَنت ءُ بےسوب بنت۔
سیاسی
آشوب: عرب اسپرنگ ءُ آئی ءِ دراجیں سان
بالو
سان ءِ انوگیں دور ءَ نوکتریں ءُ جْوانتریں دروراں یکے اَرب اسپرنگ اِنت۔ اَرب اسپرنگ چہ جنگی
جنزے ءَ بندات نہ بیت بلکیں تونیسْیا ءِ یک سبزی والائے وتا دسمبر 2010 آچ دنت۔
مھمد بوعزیزی کہ وتا بن دنت گورنر کارگس ءِ دیم ءَ گڑا ھمدا چہ مزن مزنیں زھرشانی
بندات بنت ۔ ھمے زھرشانی ساناں چہ میانی رودرتک ءُ گوریچانی اپریکہ ءَ تونیسْیا،
مصر ءُ لیبیا ھکومت دور دیگ بنت۔ ھمے
زھرشانیانی سوب ءَ شام ءُ یمن ءِ توکہ گِس جنگی بندات بیت ءُ ھندی راجکاری ءِ
دروشم ءَ بدل کن اَنت۔
شام
ھندی زھرشانی داں میاں استمانی پروکسی جنگ
شام
ءِ گِس جنگی 2011 ءَ بندات بیت کہ وھدے درعا (Daraa) کہ آ زرباری ھندے کہ ھودا ایمنیں
زھرشانی بندات بیت ۔ بشارلاسد زھرشانی ءِ سرا کریکڈاؤن کنت۔ رسانکدر ءِ سوب ءَ اے
جاور دنیا ءَ شنگ بنت ھمدا چہ ھندی مردم یاگی بنت۔ بلائیں تبائی یے بیت کہ اے گِس
جنگی ءِ دروشم ءَ بدل بیت۔ دیمترا گلوبل تاگت بزاں رشیا، امریکہ، اِیران،ءُ ترکیہ
ایشانی ھمرائی ءَ نن اِسٹیٹ اِکٹر آئی ایس آئی ایس ءُ کردش جنگول ھم گِس جنگی ءَ
ھوار بنت۔
گِس
جنگی ءِ سوب ءَ شام مزنیں کچے ءَ مردم لڑءُبار کنگ بندات کن اَنت دیم پہ یورپ ءَ
مردمانی لڑءُبار یورپ ءِ توکہ ریفیوجی کرائسس یے ودی کنت۔ ھمے سانانی برورد ءَ بریٹش(British) چہ یوروپین یونین ءَ درکیت
۔ اے درستیں چیز دارآ ئے زھرشانی ءَ بندات بنت۔
ایرانی
آشوب ءُ گلف ءِ نوکیں آرڈر
1979ءِ
ایرانی آشوب ھم چرے بالو سان ءَ اِنت کہ کسانیں مٹّی یے مزنیں مٹ ءُ بدلی یے کاریت۔
ایران ءَ شاہ ءِ ھلاپ ءَ زھرشانی بندات بنت اَنچو برز رونت کہ ایران ءَ اسلامک
آشوب کیت۔ اے چست ءُ اِیر تھنا ایران ءِ ھکومتی ءَ ھلاس نہ کنت بلکیں گوبل انرجی
مارکٹ ءِ سرا مزنیں سان دور دنت، پدا ایران ءُ عراق ءِ نیام ءَ جنگ ھم بیت۔ اسٹیپن
ایم والٹ (Stephen
M Walt) وتی
کتاب ” آشوب ءُ جنگ“ءِ تھا گشیت کہ اردیں یک استانے ءَ آشوب کہ کیت گڑا آشوب ءِ
جند پہ اے دگہ استاناں سیکیورٹی ڈلیمائے (Security Dilemma ) ودی کنت۔گڑا اِستان وتی ھستانک یا servival ءِ
رکینگ ءِ ھاترا جنگ ءِ نیمگ ءَ رونت۔ ایران
ءُ عراق ءِ جنگ یک درورے۔ ھمے سوب ءَ حزباللہ جوڑ بیت، ایران ءُ امریکہ، ایران ءُ
سعودی ءِ ناوشیں سْیادی بنت ءُ مڈل ایسٹ ءِ جیوپولیٹکس ءِ تھا مزن مزنیں سان کپ
اَنت۔
زرّی
ءُ مالی سان
کیئوس
دیدانک یا جیوپولیٹیکل کیئوس ءِ ردا اے کسانیں سان کہ مزنیں جنگ ءُ آشوب ودی کن
اَنت۔ تھنا پہ جنگ ءُ آشوب ءَ نہ اَنت ۔ بلکیں اے دگنیائے مارکٹ ءِ توکہ مزنیں زرّی
ءُمالی جنجال ھم دیم ءَ کارنت۔ پہ درور اَرب اسپرنگ ءَ چہ تیل ءُ آئل ءِ نھاد ءِ
سرا سان کپ اَنت۔ ھمے تیل ءُ آئل ءِ کیمت گلوبل مارکٹ ءِ سرا سان دور دنت،
چین ءِ مالی پالیسی ءِ ردا اپریکہ ءِ توکہ وردن ءِ نھاد ءَ ھم گیشی کیت۔
مالی
پابندی (Economic
Sanctions) کیئوٹک
آکبت اِنت۔
ٹیکنالوجی،
رسانکد، ءُ کیئوس ءِ گاز (accelerator)
کیئوس
دیدانک ءِ ردا رسانکدر جیوپولیٹکس ءِ توکہ بیانیہ ءِ مزنیں دیمروئی دیوکے۔ مروچی
رسانکدر ءِ برورد ءَ جیڑہ، زھرشانی، گپتمان، بیانیہ دمان ءَ دنیا سر بنت۔ اَرب
اسپرنگ فیس بک، ٹویٹر ءُ یوٹیوب ءِ بدولت ءَ دنیا ءَ شنگ بیت کہ دنیائے دیان گوں
اَرب اسپرنگ ءَ بیت۔ ڈس انفارمیشن بالو سان ءِ بلائیں درورے کہ اِستان وتی بیانیہ
ءِ مھکم کنگ ءَ کارمرزے کن اَنت۔
کلائمیٹ
چینج: کیئوس ءِ نہ دیستگیں اِنجن
کلائمیٹ
چینج یا ماھولی کارتیپ جیوپولیٹیکل کیئوس ءِ مزنیں بھر اَنت۔ اگاں ما شام ءِ سیول
جنگ ءِ درور ءَ بزوریں جنگ ءِ آ دگہ ساناں ابید 2006 داں 2011 ڈکال ءُ ھشکسالی ھم
جنگ ءِ مزنیں سانے زانگ بیت۔ ھمیشی ءِ سوب ءَ کلّگی آبادی ( rural population) چرے
ڈکال ءَ سک سانمند بیت، زرّ ءُمالی جنجال ھم ودی بیت۔ ھمے ڈول ءَ مڈل ایسٹ ءُ گوریچانی
اپریکہ ءَ بےآپی، گرمی، وردن ءِ کمی، سیمسری جیڑہ بالو سان ءِ بنھشت اَنت
باز
برا اِستان ھمے جیڑاَنت کہ کسان کسانیں جیوپولیٹیکل جیڑہ گیشءُگیوار کنگ یا دارگ
بنت. راستی ایش اِنت کہ گونڈیں مسکلکولیشن
ئے بلائیں تبائی یے ودی کنت۔ پہ درور امریکہ کہ وھدی عراق ءُ لیبیا ءِ سرا حملہ
کنت امریکہ ھمے جیڑیت کہ من ڈکٹیٹرشپ ءَ ھلاس کناں بلے دوئیں دراجکشیں کیئوس جوڑ
بنت،تاگتی شم (Power
Gap) ودی بیت ءُ Extremist Group جوڑ بنت۔
ھمے داب ءَ 2022 رشیا ءِ یوکرین ءِ سرا جنگ دیگ یورپ ءَ انرجی جنجال پیداک کنت، ولڈآرڈر ءَ مٹ کنت۔ پوٹن misculculation بالو سانے کہ ولڈآرڈد ءَ دوبارگ جاڑینیت۔
آسر
کیئوس
دیدانک مارا سوج دنت کہ میاں استمانی راجکای اے وڑ نہ اِنت کہ رھشون اے داب ءَ جیڑ
اَنت ۔ بالو سان جیوپولیٹکس ءِ توکہ تھنا یک دیدانکی لیکہ یے نہ اِنت بلکیں اے میاں
استمانی سْیادی ءِ گواچنی اِنت۔
دلگوش
: اے نکان Vincent
James Hooper نبشتانک ءُ The
Time of Israel تندجاہ ءَ زورگ بوتگ
اَنت۔
